Institute of Biology Medicine and Agriculture
យោងតាមការណែនាំរបស់ឯកឧត្តមបណ្ឌិត នុត សម្បត្តិ ប្រធានវិទ្យាស្ថាន ជីវសាស្រ្ត វេជ្ជសាស្រ្ត និងកសិកម្ម ក្រុមការងារស្រាវជ្រាវដែលដឹកនាំដោយលោកស្រីបណ្ឌិត ហ៊ន សុទ្ធនា ជាប្រធានស្តីទីនាយកដ្ឋានបរិស្ថាននិងធនធានធម្មជាតិ បានចុះបំពេញបេសកកម្មប្រមូលទិន្នន័យនៅតំបន់តំបន់រ៉ាមសារកោះកាពិ (KKRS) ក្នុងគោលបំណងស្វែងយល់ឱ្យកាន់តែច្បាស់អំពីសក្តានុពល ស្ថានភាពជីវចម្រុះ និងជីវភាពរស់នៅរបស់ប្រជាជនក្នុងតំបន់កោះកាពិ។ ក្នុងដំណើរបេសកកម្មក្រុមការងារបានទទួលការស្វាគមន៍ និងកិច្ចសហការយ៉ាងកក់ក្តៅពីសំណាក់ពីអាជ្ញាធរមូលដ្ឋានឃុំកោះកាពិជាពិសេស លោកស្រីមេឃុំកោះកាពិ និងលោកប្រធានសហគមន៍តំបន់ការពារធម្មជាតិកោះកាពិ។ បច្ចុប្បន្នតំបន់រ៉ាមសារកោះកាពិ មានផ្ទៃសរុប១៤,0២៩ហិកតា ស្ថិតនៅភាគនិរតីនៃប្រទេស តាមបណ្តោយឆ្នេរសមុទ្រ ជិតព្រំដែនប្រទេសថៃ ជារ៉ាមសារទឹកប្រៃតែមួយគត់ដែលគ្របដណ្តប់ដោយព្រៃកោងកាងដ៏ធំបំផុតក្នុងប្រទេស និងធំបំផុតមួយនៅក្នុងតំបន់អាស៊ីអាគ្នេយ៍ដីគោកផងដែរ។ តំបន់នេះស្ថិតនៅតំបន់ ដីសណ្តនៃទន្លេចំនួនបី គឺព្រែកកោះប៉ោ( Meteuk River)នៅភាគខាងជើង, ព្រែកតាតៃ( Preat River) និងព្រែកត្រពាំងរូង នៅភាគអាគ្នេយ៍។ ប្រព័ន្ធផ្លូវទឹកទាំងនេះ ជាចំណុចប្រសព្វរវាងតំបន់ទឹកសាប និងទឹកប្រៃ ផ្តល់ជាជម្រកជីវៈចម្រុះសមុទ្រយ៉ាងសំខាន់ព្រមទាំងអំណោយផលយ៉ាងខ្លាំងដល់ព្រៃកោងកាង និងសំបូរទៅដោយប្រភេទស្មៅសមុទ្រ។ តំបន់ស្នូលរបស់រ៉ាមសារកោះកាពិជាដែនរដ្ឋបាលឃុំកោះកាពិមានភូមិចំនួន៣គឺ ភូមិកោះកាពិ១ ភូមិកោះកាពិ២ និងភូមិកោះស្រឡៅ ដែលមានសហគមន៍តំបន់ការពារធម្មជាតិចំនួន២ គឺសហគមន៍តំបន់ការពារធម្មជាតិកោះកាពិ និងសហគមន៍តំបន់ការពារធម្មជាតិកោះស្រឡៅ។ ប្រជាជន នៅក្នុងតំបន់នោះភាគច្រើនពឹងផ្អែកលើផលិតផលនេសាទ និងព្រៃកោងកាង។ នៅរដូវវស្សា ជាពេលដែលពិបាកក្នុងការចេញទៅនេសាទបានដែលធ្វើឱ្យបាត់បង់ប្រាក់ចំណូល។ ជំនន់ទឹកភ្លៀង និងខ្យល់ព្យុះធ្វើឱ្យដួលរលំផ្ទះ ខូចខាតទ្រព្យសម្បត្តិ ។ នៅរដូវប្រាំង ជួបប្រទះគ្រោះរាំងស្ងួត បណ្តាលឱ្យខ្វះទឹកសាបប្រើប្រាស់ ដែលតម្រូវឱ្យប្រជាពលរដ្ឋទិញទឹកសាបពីតំបន់កោះស្រឡៅនិងតំបន់កោះកុងក្រៅ។ លទ្ធភាពទទួលបានទឹកស្អាតភាគច្រើនប្រឈមតម្លៃថ្លៃក្នុងរដូវប្រាំង ដែលធ្វើឱ្យប៉ះពាល់ដល់គ្រួសារក្រីក្រ។
ថ្ងៃសុក្រ ១០កើត ខែពិសាខ ឆ្នាំរោង ឆស័ក ព.ស២៥៦៧ ត្រូវនឹងថ្ងៃទី១៧ ខែឧសភា ឆ្នាំ២០២៤ ឯកឧត្តមបណ្ឌិត នុត សម្បត្តិ ប្រធានវិទ្យាស្ថានជីវសាស្រ្ត វេជ្ជសាស្រ្ត និងកសិកម្ម តំណាងរាជបណ្ឌិត្យសភាកម្ពុជា បានចូលរួមសិក្...
នារសៀលថ្ងៃពុធ ១កើត ខែពិសាខ ឆ្នាំរោង ឆស័ក ព.ស២៥៦៧ ត្រូវនឹងថ្ងៃទី៨ ខែឧសភា ឆ្នាំ២០២៤ នៅវេលាម៉ោង ២:៣០នាទី ឯកឧត្តមបណ្ឌិត នុត សម្បត្តិ ប្រធានវិទ្យាស្ថានជីវសាស្រ្ត វេជ្ជសាស្រ្ត និងកសិកម្ម បានចូលរួមកិច្ចប្រជ...
នាព្រឹកថ្ងៃអង្គា១៤រោច ខែចេត្រ ឆ្នាំរោង ឆស័ក ព.ស. ២៥៦៧ ត្រូវនឹងថ្ងៃទី៧ ខែឧសភា ឆ្នាំ២០២៤ នេះ ឯកឧត្ដមបណ្ឌិត នុត សម្បត្តិ ប្រធានវិទ្យាស្ថានជីវសាស្រ្តវេជ្ជសាស្រ្តនិងកសិកម្ម បានដឹកនាំថ្នាក់ដឹកនាំនៃនាយកដ្ឋាន...
នាថ្ងៃអាទិត្យ ១២ រោច ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី៥ ខែឧសភា ឆ្នាំ២០២៤ ឯកឧត្តមបណ្ឌិត នុត សម្បត្តិ ប្រធានវិទ្យាស្ថានជីវសាស្រ្តវេជ្ជសាស្រ្តនិងកសិកម្ម បានដឹកនាំមន្រ្តី វិទ្យាស្ថាន ចំ...
ថ្ងៃអង្គារ ៧រោច ខែចេត្រ ឆ្នាំរោង ឆស័ក ព.ស. ២៥៦៧ ត្រូវនឹងថ្ងៃទី៣០ ខែមេសា ឆ្នាំ២០២៤ លោកស្រី មុត សៅរ័ត្ន និង លោកស្រី បណ្ឌិត ហ៊ន សុទ្ធនា តំណាងឯកឧត្តមបណ្ឌិត នុត សម្បត្តិ ប្រធានវិទ្យាស្ថានជីវសាស្រ្ត វេជ្ជសា...
ព្រឹកថ្ងៃអង្គារ ៧ រោច ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី៣០ ខែមេសា ឆ្នាំ២០២៤ ឯកឧត្តមបណ្ឌិត នុត សម្បត្តិ ប្រធានវិទ្យាស្ថានជីវសាស្រ្ត វេជ្ជសាស្រ្ត និងកសិកម្ម បានដឹកនាំមន្រ្តី0៣រូប ចូលរួ...