នារសៀលថ្ងៃសុក្រ ១២ រោច ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៥ ខែមេសា ឆ្នាំ២០២៤នេះ ឯកឧត្តមបណ្ឌិត នុត សម្បត្តិ ប្រធានវិទ្យាស្ថានជីវសាស្រ្ត វេជ្ជសាស្រ្ត និងកសិកម្ម បានចូលរួមក្នុងកម្មវិធីជំនួប រវាងរាជបណ្ឌិតសភាកម្ពុជាដែលដឹកនាំដោយឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជានិងប្រតិភូសាកលវិទ្យាល័យរុស្ស៊ី ដែលដឹកនាំដោយលោកស្រី Ksenia Trinchenko ប្រធាននាយកដ្ឋានទំនាក់ទំនងនិងកិច្ចសហប្រតិបត្តិការអន្តរជាតិ នៃក្រសួងវិទ្យាសាស្ត្រនិងឧត្ដមសិក្សា នៃសហព័ន្ធរុស្ស៊ី ដើម្បីឈានទៅធ្វើកិច្ចសហប្រតិបត្តិការលើ៖ ១. ការផ្លាស់ប្ដូរទស្សនកិច្ចអ្នកសិក្សាស្រាវជ្រាវប្រទេសទាំងពីរ ២. ការជំរុញបង្កើនអាហារូបករណ៍វិទ្យាសាស្ត្រពិត និងវិទ្យាសាស្ត្រសង្គម ដល់និស្សិតកម្ពុជា ៣. ការធ្វើកិច្ចសហប្រតិបត្តិការក្នុងវិស័យកសិកម្ម ការចិញ្ចឹមសត្វ និងទេសចរណ៍ ៤. ពិនិត្យលទ្ធភាពធ្វើសហប្រតិបត្តិការបង្កើតមជ្ឈមណ្ឌលភាសារុស្ស៊ី នៅរាជបណ្ឌិត្យសភាកម្ពុជា។