នាព្រឹក ថ្ងៃសុក្រ ៤ កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៤ ខែសីហា ឆ្នាំ២០២៤ ឯ.ឧ បណ្ឌិត នុត សម្បត្តិ ប្រធានវិទ្យាស្ថានជីវសាស្ត្រ វេជ្ជសាស្ត្រ និងកសិកម្ម បានអញ្ជើញចូលរួមកម្មវិធីជំនួបពិភាក្សាការងារទ្វេភាគីរវាងរាជបណ្ឌិត្យសភាកម្ពុជា ដែលដឹកនាំដោយឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា ជាមួយនឹងប្រតិភូមន្ទីរបរិស្ថាននៃតំបន់ស្វយ័តខេត្តខ្វាងស៊ី ដឹកនាំដោយលោក ZHANG Xingying អគ្គនាយករង នាយកដ្ឋានអេកូឡូស៊ី និងបរិស្ថាន ខេត្តខ្វាងស៊ី ដើម្បីពិភាក្សាការងារ និងពិនិត្យលទ្ធភាពធ្វើកិច្ចសហប្រតិបត្តិការរវាងរាជបណ្ឌិត្យសភាកម្ពុជា និងមន្ទីរបរិស្ថានខេត្តខ្វាងស៊ី។ ភាគីទាំងពីរ បានឯកភាពគ្នាសិក្សាលទ្ធភាពធ្វើកិច្ចសហប្រតិបត្តិការសិក្សានិងស្រាវជ្រាវរួមគ្នាទៅលើការអភិរក្សសត្វព្រៃ ព្រៃឈើ និងប្រព័ន្ធអេកូឡុស៊ី នៅឧទ្យានរាជបណ្ឌិត្យសភាកម្ពុជា តេជោសែនឫស្សីត្រឹប៕